پاکستان اور انگلینڈ کے مابین سیریز کے چوتھے اور آخری ٹیسٹ میچ میں پاکستان نےآٹھ وکٹوں کے نقصان پر 508 بنائے ہیں اور اس طرح پاکستان کی برتری 180 رنز کی ہو چکی ہے۔ یونس خان 206 رنز بنا کر کریز پر موجود ہیں۔
یونس خان نے 29 چوکوں اور چار چھکوں کی مدد سے اپنے کریئر کی چھٹی ڈبل سنچری سکور کی۔
آخری آؤٹ ہونے والے کھلاڑی وہاب ریاض تھےجو چار رنز بنا کر معین علی کی گیند پر وکٹ کیپر کے ہاتھوں کیچ آؤٹ ہو گئے۔ محمد عامر یونس خان کا ساتھ دینے کے لیے میدان میں آئے ہیں اور 22 رنز بنا کر کریز پر موجود ہیں۔
انگلش کپتان نے اپنے تمام فیلڈروں کو باونڈری لائن پر بھیج دیا ہے اور وہ پاکستان کے رنز بنانے کی رفتار کو کم کرنے کی کوششوں میں مصروف ہیں۔
میچ کے تیسرے روز آؤٹ ہونے والے کھلاڑی سرفراز احمد اور وہاب ریاض شامل ہیں۔
پاکستان نے جب تیسرے روز کھیل کا آغاز کیا تو اس کا مجموعی سکور 340 رنز تھا۔ گذشتہ روز کے ناٹ آؤٹ بیٹسمینوں نے انتہائی تحمل اور اعتماد سے لندن کے ابرالود موسم میں کھیلتے ہوئے ٹیم کا سکور آگے بڑھانا شروع کیا اور ایک گھنٹے تک انگلش بولروں کے ہاتھوں کوئی وکٹ نہ آئی۔ وکٹ کیپر سرفراز نے اپنی اننگز میں کئی دلکش سٹروکس کھیلے اور بالآخر 44 کے انفرادی سکور پر وکٹ کیپر کو کیچ تمھا بیٹھے۔
سرفراز احمد جس انداز میں آگے بڑھ کر فاسٹ بولروں کو کھیلتے ہیں اس نے ماہرین کرکٹ کو حیران کر دیا ہے۔ گذشتہ روز جب سرفراز احمد نے فاسٹ بولر سٹیو براڈ کو آگے بڑھ کر چوکا لگایا تو انگلینڈ کے سابق کپتان ناصر حسین نے کہا کہ 'ایسا تو صرف ویوین رچرڈ کھیلا کرتے تھے۔'
دوسری جانب یونس خان اپنے عمدہ بیٹنگ جاری رکھے ہوئے ہیں اور کھانے کے وقفے تک 147 رنز پر ناٹ آؤٹ ہیں۔
گذشتہ روز آخری آؤٹ ہونے والے کھلاڑی افتخار احمد تھے جو صرف دو رنز بنا کر آؤٹ ہو گئے۔ اس سےپہلے اسد شفیق نے شاندار سنچری سکور کی۔
اسد شفیق اور یونس
خان کی شراکت میں 150 رنز کا اضافہ ہوا۔
مہمان ٹیم کی جانب سے اظہر علی اور اسد شفیق نے تیسری وکٹ کی شراکت میں 75 رنز بنائے۔
اسد شفیق نے معین علی کو 38 ویں اوور میں چھکا مارا جو پاکستان کی اننگز کا پہلا چھکا تھا۔
اس سے پہلے پاکستان کی جانب سے اظہر علی اور یاسر شاہ نے دوسرے دن کے کھیل کا آغاز کیا۔
دونوں بیٹسمینوں نے دوسری وکٹ کی شراکت میں 49 رنز بنائے۔
0 comments:
Post a Comment